» » Mətanətə "fahişəsən" deyən yazar: "Sənət aləmində fahişə..." (MÜSAHİBƏ)


Mətanətə "fahişəsən" deyən yazar: "Sənət aləmində fahişə..." (MÜSAHİBƏ)

4-07-2015, 12:31
Oxunub: 1738
Çap et
Mətanətə "fahişəsən" deyən yazar: "Sənət aləmində fahişə..." (MÜSAHİBƏ)"Müğənni Mətanət Əsədovaya "mən aliməm, sən fahişəsən" deməklə gündəmə gələn yazar Əziz Musa Ölkə.Az saytının suallarını cavablandırıb.

- Əziz müəllim, müğənni Mətanət Əsədova sizi məhkəməyə verib və təzminat kimi yüz min manat istəyir. Uduzsanız ödəyə biləcəksiniz?

- Mənim heç on manat da qazancım yoxdur. Hardadır mənim o qədər pulum?

- Bəs uduzsanız, necə olacaq?

- O qalacaq Allahın ümidinə.

- Son günlərdə sənət adamlarından, onların yaxınlarından sizə zəng vurub hədələyənlər olur?

- Hə, elə şeylər olub.

- Mətanət Əsədovanın yaxınlarıdır?

- Heç tanımıram kimdir.

- Zəng vurub nə deyirlər?

- Hər söz deyirlər, təhqir edirlər, hədələyirlər. Mən də susub dururam. Amma mən elə ordaca Mətanət Əsədovadan üzr istədiyimi dedim.

- Əziz müəllim, biri deyir ki, siz ona "fahişə" demisiniz, biri deyir "küçə qızı" söyləmisiniz. Əslində nə demişdiniz?

- Orada özümdə olmamışam. Cumdu üstümə, əlimdən mikrofonu alıb sındırdı. Nə oldusa, sonradan oldu.

- Ondan sonra sizə telekanaldan zəng edib barışdırmaq istədilər?

- Olmayıb.

- Bundan sonra o cür verilişlərə yenə gedəcəksiniz?

- Normal veriliş olsa, gedərəm, elə verilişlərə yox.

- O verilişdə ilk dəfə idi iştirak edirdiniz?

- Əvvəl də iştirak etmişəm.

- İlk dəfə belə bir qalmaqalla üzləşirdiniz?

- Bəli.

- Bildirilir ki, siz şagirdinizi zorlamısınız...

- Keçmişi qurdalamaq lazım deyil. Mən o dövrləri yaşayıb qurtarmışam. İstəyirəm bir az sakit ömür yaşayam.

- Neçə yaşınız var?

- 64 yaşım var.

- Övladlarınız da jurnalistika sahəsindədir?

- Üç övladım var. Biri müəllimdir, biri maliyyəçi....

- Bu qalmaqala reaksiyaları necə oldu?

- Onlar mənə heç nə demirlər.

- Narahat deyilsiniz övladlarınıza nəsə edərlər?

- O barədə heç nə deyə bilmərəm.

- Son günlər yetərincə populyarlıq qazandınız. Bu formada populyar olmaq bir ziyalı və alim üçün nə dərəcədə yaxşı haldır?

- Mən şöhrətpərəst adam deyiləm və istəmərəm ki, belə qalmaqalda adım hallansın. Sakit adamam.

- Qalmaqalı da özünüz yaratmısınız...

- Aydın məsələdir ki, əsəbləşmişdim.

- Verilişdən sonra Manaf Ağayev sizə nəsə dedi?

- Mən efirdən çıxdım gəldim. Orada deyib ki, onun nəslində kişi yoxdur. Heç mən tanımıram Manaf hardandır, necə adamdır.

- Onunla bağlı məhkəmyə müraciət edəcəksiniz?

- Mən hacı adamam, həmişə sakitlik və sülh tərəfdarı olmuşam.

- Neçənci ildə Həcc ziyarətində olmusunuz?

- 2007-ci ildə.

-İbadət edirsiniz?

- Bəli.

- Amma xanımınız bildirib ki, hirslənəndə evdə də söyür...

- Xanımım da dindar adamdı. Evdə heç vaxt nə ağzımdan söyüş çıxmaz, nə də əsəbləşmərəm. Sakit adamam. O da nəysə bir iş idi oldu.

- Alimlik dərəcəniz var, Yazıçılar Birliyinin üzvüsünüz...

- Mənim 30 kitabım var.

- Necə dolanırsınız?

- Məktəbdə müəllim işləyirəm, övladlarım da işləyir. Bir yerdə yaşayıb dolanırıq.

- İşlədiyiniz məktəbin direktoru zəng vurub irad bildirməyib ki?

- Yox, hələlik bir şey yoxdur.

- Sizcə sənət aləmində fahişələr çoxdur. Ümumiyyətlə, bu aləmdə fahişə var?

- Mən deyirəm ki, efirdə hamı mədəni olsun, mədəni geyinsin. Mən o sözü deyə bilmərəm. Axı hacı adamam. Söyləyə bilmərəm ki, sənət aləmində fahişə var. Kiminsə xətrinə dəymişəmsə, üzr istəyirəm. Bağışlamaq böyüklük əlamətidir.

- Məhkəmə ilə bağlı içinizdə qorxu var?

- Niyə qorxuram ki? Həyatda hər şey ola bilər

- Sonuncu kitabınız neçənci ildə çıxıb?

- Ötən il.

- Kitablarınızı kim maliyyələşdirir?

- Mən şairəm də. Elə öz ailəmin xərci ilə çıxarıram.

- Bilirik ki, əslən Cəbrayıldansınız. Hazırda yaşadığınız mənzil özünüzündür?

- Dar bir evimiz var. Altı nəfər iki otaqda məskunlaşmışıq.



Reytinq: