Xalq artisti, canlı əfsanə Habil Əliyevin ölümü ilə bağlı sosial şəbəkələrdə və bəzi saytlarda yayılan xəbərlər doğru deyil.

Hətta bu xəbərlər sənətkarın ailəsinə pis təsir edib.

Bu barədə Publika.az-a xalq artistinin həyat yoldaşı Şərqiyyə xanım məlumat verib:

“Xəbərlər yayılır ki, güya Habil rəhmətə gedib. Yalan xəbərdir. Vəziyyəti ağırdır, komadadır, gecə-gündüz başının üstündə oturmuşuq, həkimlər də bizimlə birgə. Bu gün səhər nazir də zəng edib narahatlığını və yayılan xəbərlərdən əsəbiləşdiyini bildirdi”.