» » Manat dollara nisbətdə ucuzlaşa bilər


Manat dollara nisbətdə ucuzlaşa bilər

8-11-2015, 16:25
Oxunub: 570
Çap et
Manat dollara nisbətdə ucuzlaşa bilər
"Avronun dünya bazarında zəifləməsi manatın da dollara nisbətən dəyərsizləşməsinə gətirib çıxarıb. Belə ki, iki həftə əvvəl rəsmi məzənnədə 1 dollar almaq üçün 1,0475 manat ödəmək lazım idisə, hazırda 1.0498 manatdan keçmək lazımdır".

Musavat.com xəbər verir ki, bu fikri iqtisadçı ekspert Vüqar Bayramov özünün sosial şəbəkədəki şəxsi səhifəsi vasitəsi ilə paylaşıb.

Ekspert bildirib ki, Mərkəzi Bankın iki valyutalı səbətdən istifadə etməsi avronun dollara məzənnəsi əsasında rəsmi kursun müəyyənləşdirilməsinə səbəb olur: "Bir müddət öncə dünya bazarında 1 avro almaq üçün 1 dollar 14 sent ödəmək lazım idisə, indi bu göstərici 1 dollar 7 sentədək azalıb. Deməli, əksər xarici valyutalara nisbətən möhkəmlənən dollar avronu da son günlər sıxışdırmağa başlayıb. Manat-dollar və avro kursları göstərir ki, valyuta səbətimizdə dolların payı yenə də yüksək olaraq qalmaqdadır. Manatın dollara məzənnəsinin dünya valyuta bazarında baş verənlər fonunda dəyişməsinə baxmayaraq, kursun son həftələr müqayisəli azalması dollara tələbi artırıb"

İqtisadçı ekspert açıqlayıb ki, monitorinqlərə görə, son rəsmi məzənnələr valyuta bazarına psixoloji təsir göstərir: "Dollar hətta müqayisəli və ya nisbi möhkəmlənsə belə, manatın azalan məzənnəsi xarici valyutalara tələbi artırır. Aydındır ki, Mərkəzi Bank isə ikivalyutalı səbətdən istifadə etdiyi üçün avronun dollara nisbətən kursunun azalmasını rəsmi məzənnədə nəzərə almalıdır. Amma baş bankda bu dəyişikliklərin valyuta bazarına psxiloji təsirlərinin azaldılması üçün də vətəndaşdaların məlumatlandırılmasına ciddi ehtiyac var. Çünkü dünya bazarında avronun məzənnəsində yeni azalmalar müşahidə edilərsə, bu, manatın dollara nisbətən müqayisəli ucuzlaşmasının davam etməsinə gətirib çıxaracaq".



Reytinq: