» » Azərbaycanda 3 dövlət qurumu ləğv edildi


Azərbaycanda 3 dövlət qurumu ləğv edildi

3-02-2016, 23:24
Oxunub: 832
Çap et
Qiymətli Kağızlar üzrə Dövlət Komitəsi, Maliyyə Nazirliyinin Dövlət Sığorta Nəzarəti Xidməti və Mərkəzi Bank yanında Maliyyə Monitorinqi Xidməti ləğv edilib.
Azərbaycanda 3 dövlət qurumu ləğv edildi
ANS PRESS-in məlumatına görə, bu barədə prezident İlham Əliyevin imzaladığı Maliyyə Bazarlarına Nəzarət Palatası publik hüquqi şəxsin yaradılması haqqında fərmanda bildirilir.

Fərmana görə, Palatanın Nizamnaməsi qüvvəyə mindiyi gündən yuxarıda adları qeyd edilən qurumların istifadəsində olan dövlət əmlakı Maliyyə Bazarlarına Nəzarət Palatasına verilməlidir.

Palatanın Direktorlar Şurasının 5 üzvü olacaq.

Palatanın Direktorlar Şurasının sədrinin və üzvlərinin vəzifəyə təyin və vəzifədən azad edilməsi, habelə onların səlahiyyətlərinə vaxtından əvvəl xitam verilməsi Azərbaycan prezidenti tərəfindən həyata keçirilir.

Maliyyə Bazarlarına Nəzarət Palatasının fəaliyyətinin təmin edilməsi ilə əlaqədar aşağıdakı tərkibdə işçi qrupu yaradılır:

İşçi qrupunun rəhbəri Qiymətli Kağızlar üzrə Dövlət Komitəsinin sədri Rüfət Aslanlı təyin olunub.

Azərbaycanda 3 dövlət qurumu ləğv edildi

Rüfət Aslanlı - Qiymətli Kağızlar üzrə Dövlət Komitəsinin sədri
İşçi qrupunun üzvləri isə aşağıdakılardır:

Asim Məmmədov - “Xalq Bank” ASC-nin Müşahidə Şurasının sədri

Cəlal Qasımov - “Kapital Bank” ASC-nin Müşahidə Şurasının sədri

Faiq Hüseynov - “Unibank” ASC-nin İdarə Heyətinin sədri

Rövşən Cavadov - Azərbaycan Dövlət Neft Fondunun investisiya departamentinin direktoru

Zəka Mirzəyev - Azərbaycan Maliyyə Nazirliyinin maliyyə və sığorta bazarlarının tənzimlənməsi şöbəsində sektor müdiri.

Prezident İlham Əliyevin digər bir fərmanı ilə isə Azərbaycan Respublikasının Prezidenti yanında Apellyasiya Şurası yaradılıb.

Fərmanda qeyd olunur ki, əsas məqsəd sahibkarlıq fəaliyyəti göstərən fiziki və hüquqi şəxslərin müraciətlərinə baxılması sahəsində çox pilləliyin təmin edilməsi, mərkəzi və yerli icra hakimiyyəti orqanlarının qərarlarından, hərəkət və ya hərəkətsizliyindən yuxarı orqana şikayətlərin verilməsi mexanizminin təkmilləşdirilməsidir.



Reytinq: