» » Bakıda kişi hamilə arvadını döyərək öldürdü


Bakıda kişi hamilə arvadını döyərək öldürdü

14-10-2015, 12:46
Oxunub: 765
Çap et
Ana oğlunu müdafiə etməyə çalışırmış.
Bakıda kişi hamilə arvadını döyərək öldürdü
Bakının Pirallahı rayonunda hamilə qadını vətəndaş nikahında olduğu əri döyərək öldürüb.

Oxu.Az xəbər verir ki, bu barədə haqqin.az-a Pirallahı rayon Polis İdarəsindən bildiriblər.

Dünən şəhər 3 saylı klinik xəstəxanasında 1975-ci il təvəllüdlü Loginova Yuriya Sergeyevna ginekoloji qanaxmadan ölüb.

İlkin istintaq zamanı qadının 13 yaşlı oğlunu müdafiə etməyə çalışarkən vətəndaş nikahında olduğu əri Faiq Sadıxov tərəfindən döyüldüyü aşkar olub.

Məlum olub ki, oktyabrın 8-də Pirallahı qəsəbəsində Yuliya Loginovanın evində mübahisə baş verib. Sadıxov axşam saat 8 radələrində kəməri ilə oğulluğu Yeqoru döyməyə başlayıb.

Ana oğlunu müdafiə edib. O zaman kişi Loginovanı döyüb və kəmər ilə onun başına bir neçə zərbə vurub. Nəticədə hamilə qadında qanaxma başlayıb, onu xəstəxanaya yatırıblar, qadın orada ölüb.

Hal-hazırda Pirallahı rayon Polis İdarəsində Sadıxovun saxlanılmasına və cinayət məsuliyyətinə cəlb edilməsinə dair tədbirlər həyata keçirilir.



Reytinq: