» » Maskalı şəxslər gömrük rəisinin evindən 5 milyon dollar apardı - MTN SİLAHLI BASQINLA BAĞLI ARAŞDIRMA APARIR


Maskalı şəxslər gömrük rəisinin evindən 5 milyon dollar apardı - MTN SİLAHLI BASQINLA BAĞLI ARAŞDIRMA APARIR

5-09-2015, 16:37
Oxunub: 1264
Çap et
Maskalı şəxslər gömrük rəisinin evindən 5 milyon dollar apardı - MTN SİLAHLI BASQINLA BAĞLI ARAŞDIRMA APARIRTovuz rayonunun Cilovdarlı kəndində silahlı şəxslər Gömrük Komitəsinin yüksək vəzifəli şəxsin evinə basqın edib.

Məlumata görə, maskalı şəxslər evdə olan 5 milyon dollar və qızıl-zinyət əşyalarını aparıblar.

Hadisənin iyul ayının əvvəlində baş verdiyi, lakin basqınla bağlı ictimaiyyətə məlumat verilmədiyi bildirilir. Silahlılar evə girəndə ilk olaraq müşahidə kameralarını söndürüb, evdə olan şəxslərin mobil rabitə vasitələrini götürürək, onlarda pulları tələb edib. Cinayət hadisəsindən həftələr keçməsinə baxmayaraq oğurluğun üstü açılmadığından Milli Təhlükəsizlik Nazirliyi də istintaqa cəlb edildiyi bildirilir.

Basqın olunan evin sahibi Pərviz (soyadını dəqiqləşdirə bilmədik - red.) adlı şəxsdir. Onun Gömrük Komitəsinin qərb bölgəsi üzrə rəisi olduğu bildirilir.

Evdə saxlanılan 5 milyon manatın xaricdə satılan obyektlərin pulu olması bildirilir. Qeyri rəsmi məlumata görə, həmin məbləğ bankda hesaba qoyulmalıymış.

Başqa bir versiyada iddia olunur ki, oğurlanan pullar gömrükdə yığılan rüşvət olub və basqın edən maskalı şəxslər gömrük əməkdaşının evində 5 milyon dolların olması ilə bağlı dəqiq məlumatlı olublar. Maskalı şəxslərin basqın zamanı hüquq-mühafizə orqanları üçün yetərli iz buraxmadığı bildirilir. Bu baxımdan ehtimal olunur ki, maskalı şəxslər peşəkar əməliyyatçılar olub.

Baş verən oğurluq hadisəsinin hakimiyyətin yüksək dairələrində müzakirə olunduğu və oğruların tapılmasına peşəkarların cəlb olunduğu da yayılan məlumatlar sırasındadır.

Hadisənin dəqiq təfərrüatlarını dəqiqləşdirməyə çalışırıq.



Reytinq: