» » Azərbaycanlılardan ibarət quldur dəstəsi yaxalandı - MOSKVADA


Azərbaycanlılardan ibarət quldur dəstəsi yaxalandı - MOSKVADA

23-06-2015, 15:01
Oxunub: 870
Çap et
Rusiya paytaxtında adam oğurluğu və quldurluqda məşğul olan azərbaycanlılardan ibarət dəstə yaxalanıb.

Azərbaycanlılardan ibarət quldur dəstəsi yaxalandı - MOSKVADAAPA-nın Moskva müxbirinin verdiyi məlumata görə, paytaxtın şimal hissəsində hüquq-mühafizə orqanlarının keçirdikləri əməliyyat tədbirləri nəticəsində cinayət törətməkdə şübhəli bilinən 3 nəfər azərbaycanlı, bir nəfər Moskva və bir Həştərxan sakini saxlanılıb.

İyunun 19-da Moskvanın Aeroport rayonunda yaşayan 62 yaşlı təqaüdçü ərizə ilə polisə şikayət edib. Təqaüdçü ərizəsində həmin gün saat 12:00 radələrində iki nəfər naməlum şəxsin “Polejaevskaya” metrosunun yaxınlığında onun 37 yaşlı oğlunu zorla avtomobilə mindirərək onu bir mənzilə aparıblar və hədə-qorxu gələrək ondan 700 min rus rubl pul tələb ediblər.

Hüquq-mühafizə orqanları cinayətin zərərçəkənin tanışları tərəfindən planlaşdırıldığını müəyyən ediblər. Aparılan əməliyyat-axtarış tədbirləri nəticəsində Aeroport rayonu ərazisində şübhəli şəxs qismində 26-37 yaş arasında olan 3 nəfər azərbaycanlı, 40 yaşlı Moskva sakini və bir nəfər Həştərxan sakini saxlanılıb.

Moskva Baş Polis İdarəsindən APA-nın Moskva müxbirinə bildirilib ki, məlum cinayəti törətməkdə şübhəli bilinən Azərbaycan vətəndaşları - 1989-cu il təvəllüdlü Süleymanov Z.A., 1974-cü il təvəllüdlü Orduxanov İ.Z, 1985-ci il təvəllüdlü Tahirov R.A, Moskva sakini, 1974-cü il təvəllüdlü Bejin. R.R, Həştərxan sakini, 1984-cü il təvəllüdlü Maqaşərifov S.N. barəsində artıq həbs qəti-imkan tədbiri seçilib.

Hüquq-mühafizə orqanlarından cinayətin bəzi detalları barədə də məlumat verilib. Bildirilib ki, hadisədə zərərçəkmiş kimin tanınan şəxslə bir müddət əvvəl qadın rəfiqəsi arasında mübahisə yaşanıb. Nəticədə o, sevgilisi olduğu qadına ağır xəsarət yetirib. Həmin qadın ondan sağlamlığına dəyən maddi və mənəvi ziyana görə 700 min rubl pul tələb edib. İstədiyi pulu ala bilməyən qadın azərbaycanlılardan ibarət dəstəyə müraciət edib.

Faktla bağlı cinayət işi açılıb, araşdırma aparılır.



Reytinq: