» » Odessada 4 azərbaycanlı tələbə güllələndi


Odessada 4 azərbaycanlı tələbə güllələndi

3-05-2015, 19:36
Oxunub: 745
Çap et
Atışma bolqar və azərbaycanlı gənclərin mübahisəsinin yekunu olub.

Odessada 4 azərbaycanlı tələbə güllələndiMayın 1-nə keçən gecə Odessanın Lev Tolstoy meydanında İ.Meçnikov adına Odessa Milli Universitetinin sərxoş tələbələri arasında münaqişə baş verib və nəticədə dörd əcnəbi tələbə güllə yarası alıb.

milliyyet.az Report-a istinadən xəbər verir ki, bu barədə hüquq-mühafizə orqanlarındakı mənbə məlumat verib.

Milisdən qeyd ediblər ki, atışma bolqar və azərbaycanlı gənclərin mübahisəsinin yekunu olub. Mübahisə zamanı həmyerlilərimiz bolqar tələbəni döyüb, sonuncu qaçarkən isə onu təqib etməyə başlayıblar. Daha sonra bolqar tələbə üzərindəki səsboğucusu olan döyüş tapançası ilə arxasınca gələnlərə bir neçə dəfə atəş açıb.

Mənbənin məlumatına görə, insident nəticəsində azərbaycanlı tələbələr omba, qarın, çiyin və əl nahiyələrindən güllə yaraları alıblar.

İstintaq zamanı müəyyən edilib ki, bolqar tələbə silahı Ukrayna ərazisinə qanunsuz olaraq keçirib.



Reytinq: