» » Metroda dəhşət haqda açıqlama


Metroda dəhşət haqda açıqlama

13-01-2015, 22:07
Oxunub: 733
Çap et
Metroda dəhşət haqda açıqlama

Nəsimi Paşayev yayılan xəbərlərin təhrif edildiyini bildirdi
Bu gün axşam saatlarında Bakı Metropoliteninin "Neftçilər" stansiyasında baş vermiş hadisə ilə bağlı rəsmi açıqlama verildi.

milliyyet.az ANS PRESS-ə istinadən bildirir ki, kütləvi informasiya vasitələrində yayılmış xəbər tamamilə yalandır.

N.Paşayevin sözlərinə görə, qatarın altına düşdüyü iddia edilən şəxs heç də 8-9 yaşlarında deyil. O, 1985-ci il təvəllüdlü Əliyeva Sevincdir.

"Hadisə bu gün 17:32-də "Neftçilər" stansiyasında baş verib. Belə ki, "Həzi Aslanov"dan "İçərişəhər" stansiyasına doğru hərəkət edən 5 saylı qatar "Neftçilər" stansiyasında platformada dayanıb. Qatar platformada dayanıbsa, insan onun altına necə düşə bilər? Axı orada yer yoxdur. Hadisə əslində belə baş verib. Qatar hərəkət etdikdən sonra Əliyeva Sevinc müvazinətini itirirərək qatarın arxa hissəsində relslərin üstünə düşüb. O heç də qatarın altında qalmayıb. O, relslərin üzərinə düşən kimi gərginlik dayandırılıb və Sevinc Əliyeva oradan xilas edilib, o, müayinə olunub, sağ-salamatdır", deyə Nəsimi Paşayev bildirdi.

Qeyd edək ki, KİV-də 8-9 yaşlarında bir oğlan uşağının metro qatarının altında qalması barədə xəbər yayılmışdı. Bildirilirdi ki, naməlum səbəblərdən ilişərək, sonuncu vaqonun arxasına düşən uşaq qatarın hərəkətə keçməsi nəticəsində bir neçə metr sürütlənib.



Reytinq: