» » İlham Əliyev Ollanda başsağlığı verdi


İlham Əliyev Ollanda başsağlığı verdi

14-11-2015, 12:20
Oxunub: 316
Çap et
İlham Əliyev Ollanda başsağlığı verdi
“Bu ağır anlarda biz Fransa xalqı ilə, Sizinləyik”
Azərbaycan Prezidenti İlham Əliyev Fransa Prezidenti Fransua Ollanda başsağlığı verib.

Başsağlığında deyilir:

“Paris şəhərində törədilmiş amansız terror aktları nəticəsində çoxsaylı insan tələfatı və yaralananlar barədə xəbər bizi olduqca sarsıtdı.

Biz bu dəhşətli hadisədən son dərəcə hiddətlənir, terrorizmi qətiyyətlə pisləyir, onun bütün təzahürlərinə qarşı mübarizəni hər cür dəstəkləyirik.

Bu ağır anlarda biz Fransa xalqı ilə, Sizinləyik.

Baş vermiş bu faciə ilə əlaqədar Sizə, həlak olanların ailələrinə və yaxınlarına, bütün Fransa xalqına öz adımdan və Azərbaycan xalqı adından dərin hüznlə başsağlığı verir, yaralananlara şəfa diləyirəm”.



Reytinq: