» » Bandotdel əməliyyat keçirdi - FOTO


Bandotdel əməliyyat keçirdi - FOTO

25-11-2016, 15:40
Oxunub: 745
Çap et
Bandotdel əməliyyat keçirdi - FOTO


Daxili İşlər Nazirliyi Gəncədə xüsusi əməliyyat keçirib. Nazirlikdən Bizimyol.info saytına verilən məlumata görə, vətəndaşlarımızın hüquq və azadlıqlarının, eləcə də təhlükəsizliyinin təmin edilməsi məqsədi ilə əllərdə qanunsuz saxlanılan odlu silah-sursatın, partlayıcı maddə və qurğuların yığılması istiqamətində daxili işlər orqanları tərəfindən növbəti xüsusi əməliyyat-axtarış tədbiri həyata keçirilib.
Daxil olmuş əməliyyat məlumatı əsasında Baş Mütəşəkkil Cinayətkarlıqla Mübarizə İdarəsi və Gəncə Şəhər Baş Polis İdarəsi əməkdaşları birgə keçirdikləri xüsusi tədbirlər nəticəsində Gəncə şəhər sakinləri Elbrus Ələkbərovun yaşadığı evə baxış keçirilib. Baxış zamanı 1 ədəd “ZORAKI-914” markalı tapança, 2 ədəd qumbara və 4 ədəd patron, Orxan Fətullayevin evinə baxış zamanı 1 ədəd nömrəsi silinmiş “Brauninq” markalı tapança, 2 ədəd qumbara və 1 ədəd patron, əvvəllər məhkum olunmuş Məhəmməd Hüseynovun evinə baxış zamanı 3 ədəd qumbara, 2 ədəd alışqan və 12 ədəd patron, əvvəllər qanunsuz radikal silahlı dini birliklərdə iştirak etdiyi üçün məhkum olunmuş Vüsal İsayevin evinə baxış zamanı 2 ədəd qumbara, Zaur Hüseynovun evinə baxış zamanı 1 ədəd “AKS-74” markalı silah və 80 ədəd patron, qardaşı Eminin evinə baxış zamanı isə 3 ədəd qumbara və 37 ədəd patron aşkar edilərək götürülüb.
Qeyd edilən faktlarla bağlı Baş İdarənin İstintaq Şöbəsində cinayət işi başlanılıb, araşdırmalar davam etdirilir.



Reytinq: