» » Formula-1-in hazırkı müqaviləsi Azərbaycanı qane etmir – RƏSMİ


Formula-1-in hazırkı müqaviləsi Azərbaycanı qane etmir – RƏSMİ

13-02-2018, 00:57
Oxunub: 12
Çap et
Formula-1-in hazırkı müqaviləsi Azərbaycanı qane etmir – RƏSMİ

Formula-1 üzrə Azərbaycan Qran-Prisinin təşkilatçıları, bu ilin yayına qədər “kral yarışı”nın rəhbərliyinə, onlarla müqaviləni 2025-ci ilədək uzadıb-uzatmacaqlarına dair cavab verməlidir.

Bunu TASS-a Azərbaycan Qran-Prisinin promouteri Arif Rəhimov bildirib.

Onun sözlərinə görə, hazırkı müqavilə 2020-ci ildə bitir.

Gənclər və İdman naziri Azad Rəhimov, bu yarışların Azərbaycanda 2016-ci ildən etibarən keçirildiyini xatırladaraq, bildirib ki, bu yarışların keçirilməsi üçün çəkilən xərcin 80 faizini Azərbaycan ödəyir.

“Bir neçə ay ərzində, biz Formula-1 rəhbərliyinə müqavilənin daha 5 il müddətinə, 2025-ci ilədək uzadılması ilə bağlı cavab verməliyik. Hamı başa düşür ki, hazırki müqavilə qəbuledilməzdir. Mənə elə gəlir ki, bunu Formula-1-in yeni rəhbərliyi də başa düşür. Burada söhbət bizim ödədiyimiz məbləğdən, bəzi kommersiya şərtlərindən gedir. Amma onu deyim ki, bizim eyni zamanda bu “kral yarışları”nı Azərbaycanda saxlamaq niyyətimiz var”.

Qeyd edək ki, Azərbaycan Qran-Prisi 27-29 aprel tarixlərində keçiriləcək.



Reytinq: